Jurnalist Nikolo Skiraning xabar berishicha, "Leypsig" yaqin orada yarim himoyachi Dani Olmo bilan shartnomani uzaytiradi.

Manbaning xabariga ko‘ra, tomonlar 2027 yilning iyun oyi oxirigacha kelishuv tuzish bo‘yicha og‘zaki kelishuvga erishgan, unga ko‘ra 24 yoshli ispaniyalik yiliga 5 million yevro oladi.

Olmo "Leypsig"da 2020 yilning yanvaridan beri to‘p suradi, uning amaldagi shartnomasi 2024 yilning iyunigacha amal qiladi. Joriy mavsumda u Germaniya jamoasi safida 14 ta uchrashuvda 3 ta gol urdi va 4 ta golli uzatmani amalga oshirdi.