Krishtianu Ronaldu Yevropadagi faoliyatini yakunlab, Saudiya Arabistoniga yo‘l olgach, shu paytgacha unga tegishli bo‘lib turgan ba’zi rekordlar "PSJ" forvardi Lionel Messi tomonidan yangilanishi mumkin. Ularni ko‘rib chiqamiz.

Yevropaning top-5 chempionatlaridagi gollar soni. Ronalduda — 696ta
Krishtianu bu gollarni "Manchester Yunayted", "Real" va "Yuventus" klublari safida urgan. Messida esa bu ko‘rsatkich — 695ta! Lionel atigi bitta gol ursa, bu rekordni takrorlaydi, agar 2ta ursa, mutlaq rekordchiga aylanadi. Argentinalik futbolchi Fransiya chempionatining 18-turi doirasida 11 yanvar kuni bo‘lib o‘tadigan «Anjer»ga qarshi uchrashuvda ishtirok etishi kutilmoqda. Rekord ertagayoq yangilanishi mumkin.

Yevropa chempionatlaridagi gollar soni. Krishtianuda — 701ta
Ronaldu "Sporting"dagi faoliyati davomida Portugaliya chempionatida 5ta gol urgan. Uni top-5 chempionatlaridagi gollariga qo‘shsak, 701taga yetadi. Bu rekord ham uzoq saqlanib qolmasa kerak. U katta ehtimol bilan joriy mavsumdayoq yangilanadi. Buning uchun Messi Liga-1 doirasida yana 7ta ursa — kifoya.

Chempionlar ligasidagi gollar soni. Ronalduda — 140ta
Messi ushbu ko‘rsatkich bo‘yicha Krishtianudan 11ta golga ortda qolmoqda — 129ta gol. Leo Yevropada o‘ynab tursa, 2-3 yilda ushbu natijani ham yaxshilash imkoniyatiga ega.

Chempionlar ligasida golli uzatmalar. Krishtianuda — 40ta
Lionel ushbu natijani keyingi bahsdayoq yangilashi mumkin. Boisi, argentinalik futbolchida YECHLda 40ta golga assistentlik qilgan. Ammo parijliklarning 1/8 finaldagi raqibi — "Bavariya". Oson bo‘lmaydi.