"Arsenal"ning sobiq hujumchisi Pol Merson "Manchester Siti" hujumchisi Erling Xolandning o‘yini haqida o‘z fikrlari bilan o‘rtoqlashdi.

"Xoland – asosiy hujumchi. Agar u gol urmasa, bu muammoga aylanadi. Ilgari "Siti"ning gollari butun jamoaga taqsimlanardi va bu ajoyib edi. Raqiblar buni tushunishadi va Xoland bilan qattiqroq o‘ynashni boshlaydilar", - deya Merson so‘zlarini keltiradi Sportskeeda.

22 yoshli norvegiyalik futbolchi joriy mavsumda “Siti” safida barcha turnirlarda 23 ta o‘yinda maydonga tushib, 27 ta gol urdi va 3 ta golli uzatmani amalga oshirdi.