«PSJ»ning hujumkor yarim himoyachisi Pablo Sarabiyaning «Vulverxempton»ga o‘tishi tez orada e’lon qilinadi.

Matbuotda «bo‘rilar» bu borada allaqachon kelishuvga erishganligi haqida ma’lumotlar paydo bo‘ldi. Goal portali xabariga ko‘ra, Sarabiyada faoliyatini davom ettirish uchun bir qancha variantlar bor edi. 30 yoshli ispaniyalik futbolchi Angliyada o‘ynash istagi tufayli «Vulverxempton»ni tanladi.

«PSJ» safida Pablo Sarabiya 98 ta rasmiy o‘yin o‘tkazgan. Ularda ispaniyalik 22 gol urgan va sheriklariga 12 golli uzatmani amalga oshirgan.

Eslatib o‘tamiz, «Vulverxempton» hozirda Premyer-liga turnir jadvalida so‘nggi o‘rinni egallab turibdi.