«ПСЖ»нинг ҳужумкор ярим ҳимоячиси Пабло Сарабиянинг «Вулверхэмптон»га ўтиши тез орада эълон қилинади.

Матбуотда «бўрилар» бу борада аллақачон келишувга эришганлиги ҳақида маълумотлар пайдо бўлди. Goal портали хабарига кўра, Сарабияда фаолиятини давом эттириш учун бир қанча вариантлар бор эди. 30 ёшли испаниялик футболчи Англияда ўйнаш истаги туфайли «Вулверхэмптон»ни танлади.

«ПСЖ» сафида Пабло Сарабия 98 та расмий ўйин ўтказган. Уларда испаниялик 22 гол урган ва шерикларига 12 голли узатмани амалга оширган.

Эслатиб ўтамиз, «Вулверхэмптон» ҳозирда Премьер-лига турнир жадвалида сўнгги ўринни эгаллаб турибди.