"Chelsi" bosh murabbiyi Grem Potter hozirda "har qanday yorug‘likni ko‘rish" qiyin kechayotganini tan oldi.

O‘tgan payshanba kuni "Chelsi" 17 yil ichida birinchi marta "Fulxem"ga 2:1 hisobida mag‘lub bo‘ldi.

"Ko‘klar" dahshatli natijalar ko‘rsatishmoqda, jamoaning kasalxonasi esa jarohat olgan futbolchilarga to‘la. Hozirgi vaziyatda Potter uchun biron bir ijobiy fikr topish qiyin.

"Men bu yerda o‘tirib, natijalar yomon bo‘lishiga qaramay, vaziyat yaxshilanmoqda, deb o‘ylay olmayman.

Hozir biz klub haqida ko‘proq narsani bilamiz, o‘yinchilar haqida ko‘proq bilamiz, klubni o‘z yo‘liga qaytarish uchun nima kerakligi haqida ko‘proq bilamiz.

Biz hozir bo‘lishimiz kerak bo‘lgan joyda emasmiz. So‘nggi paytlarda bunday vaziyatga olib kelgan juda ko‘p narsalar bo‘ldi va biz oldinga siljish nuqtai nazaridan to‘g‘ri ish qilayotganimizga ishonch hosil qilishimiz kerak.

Ammo ayni damda bu qiyin. Har qanday yorug‘likni ko‘rish qiyin, qandaydir ko‘tarilishni ko‘rish qiyin, chunki biz mag‘lubiyat alamini tortyapmiz.

Menimcha, klubda hamma jabr chekmoqda. Biz javob izlayapmiz. Biz kimnidir ayblamoqchi emasmiz, balki faqat javob izlayapmiz, lekin, albatta, bu unchalik oson emas", - dedi Potter The Independent bilan suhbatda.