"Челси" бош мураббийи Грэм Поттер ҳозирда "ҳар қандай ёруғликни кўриш" қийин кечаётганини тан олди.
Ўтган пайшанба куни "Челси" 17 йил ичида биринчи марта "Фулхэм"га 2:1 ҳисобида мағлуб бўлди.
"Кўклар" даҳшатли натижалар кўрсатишмоқда, жамоанинг касалхонаси эса жароҳат олган футболчиларга тўла. Ҳозирги вазиятда Поттер учун бирон бир ижобий фикр топиш қийин.
"Мен бу ерда ўтириб, натижалар ёмон бўлишига қарамай, вазият яхшиланмоқда, деб ўйлай олмайман.
Ҳозир биз клуб ҳақида кўпроқ нарсани биламиз, ўйинчилар ҳақида кўпроқ биламиз, клубни ўз йўлига қайтариш учун нима кераклиги ҳақида кўпроқ биламиз.
Биз ҳозир бўлишимиз керак бўлган жойда эмасмиз. Сўнгги пайтларда бундай вазиятга олиб келган жуда кўп нарсалар бўлди ва биз олдинга силжиш нуқтаи назаридан тўғри иш қилаётганимизга ишонч ҳосил қилишимиз керак.
Аммо айни дамда бу қийин. Ҳар қандай ёруғликни кўриш қийин, қандайдир кўтарилишни кўриш қийин, чунки биз мағлубият аламини тортяпмиз.
Менимча, клубда ҳамма жабр чекмоқда. Биз жавоб излаяпмиз. Биз кимнидир айбламоқчи эмасмиз, балки фақат жавоб излаяпмиз, лекин, албатта, бу унчалик осон эмас", - деди Поттер The Independent билан суҳбатда.
