"Inter" va hujumchi Edin Jekoning agenti o‘rtasida yangi shartnoma bo‘yicha muzokaralar olib borilmoqda. Ijtimoiy tarmoq insayderi Nikolo Shkiraning so‘zlariga ko‘ra, tomonlar yaqin orada yana bir uchrashuv o‘tkazishadi.

Jurnalistning qayd etishicha, “neradzurrilar” bosniyalik to‘purarni jamoada saqlab qolishga tayyor. Milan grandi u bilan 2024 yilning o‘rtalariga qadar hisoblangan yangi mehnat shartnomasini imzolamoqchi. 36 yoshli futbolchining shartnoma bo‘yicha maoshi to‘rt million yevroni tashkil qiladi.

Edin “Inter” safida 2021 yildan buyon to‘p tepadi. Hujumchi joriy mavsumda 24 ta o‘yinda maydonga tushib, 10 ta gol va 4 ta golli uzatmani amalga oshirgan.