"Manchester Yunayted"ning sobiq futbolchisi Pol Skoulz Angliya klubining joriy mavsumda APLda g‘alaba qozonish imkoniyatlarini baholadi.

"Biz allaqachon bilamizki, "Manchester Yunayted" bosim ostida istalgan top-jamoani mag‘lub eta oladi. Mendan "Manchester Yunayted" chempionlik uchun kurashdami, deb so‘rashdi. Endi men buni tan olishimiz kerak deb o‘ylayman. "Yunayted" "Manchester Siti"dan bir ochko ortda qolmoqda, menimcha, haligacha liganing eng yaxshi jamoasi ular.

Hozir jamoa g‘alaba qozonayotgani yaxshi, lekin mart va aprel oylarida bunday uchrashuvlarda g‘alaba qozonish ancha qiyin bo‘ladi. "Arsenal" juda yaxshi ishlamoqda, bu juda yaxshi jamoa, lekin ular jarohatlar tufayli barbod bo‘lishi mumkin, bundan tashqari, murabbiyda sovrin yutish borasida tajriba yo‘q", - deya Skoulzning so‘zlarini keltiradi Manchester Evening News.

18 o‘yindan so‘ng "Manchester Yunayted" 38 ochko bilan APL turnir jadvalida uchinchi o‘rinda bormoqda. Peshqadam “Arsenal” (17 uchrashuvda 44 ochko).