"London derbisi"da “Arsenal” o‘yinning birinchi bo‘limidayoq raqib darvozasiga javobsiz ikkita gol urib, "Tottenxem"ni qiyin ahvolda qoldirdi.
Ma’lum bo‘lishicha, bu "Tottenxem"ning bittadan ortiq gol o‘tkazib yuborgan ketma-ket beshinchi uy uchrashuvi edi. O‘yindan so‘ng “shporlar” ustozi Antonio Konte ikkinchi davra uchun rejalar, shuningdek, ayni damda jamoaning asosiy raqiblari haqida gapirdi.
"Ishlaymiz, qaysi joyni egallashimizni ko‘ramiz. Yevrokuboklarga yo‘llanma olish muhim, xoh Chempionlar ligasida, xoh Yevropa ligasi bo‘lsin. Raqiblarimiz – “Chelsi”, “Liverpul”, “Manchester Yunayted”, shuningdek, “Brayton” va “Brentford", - dedi Konte.
