"Chelsi" va "Atletiko Madrid" o‘rtasidagi Joau Feliksning ijara shartnomasi oylik to‘lovlar bo‘yicha futbol tarixidagi eng qimmat ijara shartnomasi bo‘ldi.
Futbolchining londonliklar bilan kelishuvi joriy mavsum oxirigacha hisoblangan. Xabar qilinishicha, "Chelsi" Madrid klubiga ijara uchun 11 million yevro to‘labgina qolmay, maosh xarajatlarini ham o‘z zimmasiga oladi.
Klub futbolchi uchun oyiga 1,9 million yevro sarflaydi, bu esa rekorddir. Eng qimmat ijaralar ro‘yxatida ikkinchi o‘rinni "Yuventus"dan "Milan"ga o‘tgan Gonsalo Iguain egalladi. "Rossonerilar" argentinalik uchun oyiga 1,8 million yevro sarflagan.













