"Челси" ва "Атлетико Мадрид" ўртасидаги Жоау Феликснинг ижара шартномаси ойлик тўловлар бўйича футбол тарихидаги энг қиммат ижара шартномаси бўлди.
Футболчининг лондонликлар билан келишуви жорий мавсум охиригача ҳисобланган. Хабар қилинишича, "Челси" Мадрид клубига ижара учун 11 миллион евро тўлабгина қолмай, маош харажатларини ҳам ўз зиммасига олади.
Клуб футболчи учун ойига 1,9 миллион евро сарфлайди, бу эса рекорддир. Энг қиммат ижаралар рўйхатида иккинчи ўринни "Ювентус"дан "Милан"га ўтган Гонсало Игуаин эгаллади. "Россонерилар" аргентиналик учун ойига 1,8 миллион евро сарфлаган.
