Shveysariyalik darvozabon Yan Zommer Menxengladbaxning "Borussiya" klubidan "Bavariya"ga o‘tdi. Bu haqda Blick nashri xabar bermoqda.

Manba bergan xabarga ko‘ra, darvozabon transfer rasman e’lon qilinishidan avval tibbiy ko‘rikdan o‘tish uchun Myunxenga borgan. Tibbiy ko‘rik bugun, 18 yanvar kuni kechqurun bo‘lib o‘tadi. "Bavariya" Shveysariya terma jamoasi darvozaboni uchun 8 million yevro to‘laydi. "Borussiya" yana 1,5 million yevroni bonus sifatida olishi mumkin.

Eslatib o‘tamiz, “Bavariya” Manuel Noyerning ta’til vaqtida jarohat olgani haqidagi xabardan so‘ng Zommerga faol qiziqish bildira boshladi.

34 yoshli Zommer joriy mavsumda “Borussiya” safida 11 ta o‘yinda maydonga tushib, 4 ta o‘yinda o‘z darvozasi daxlsizligini saqlab qoldi.