Italiya terma jamoasi bosh murabbiyi Roberto Manchini italiyalik yosh futbolchilarni tarbiyalash muammolari haqida gapirar ekan, mamlakatda saviya borasida Angliya terma jamoasi futbolchisi Jud Bellingemga teng keladigan 4-5 nafar futbolchi borligini aytdi.
"Muammo iste’dodlar bor yoki yo‘qligida emas. Muammo shundaki, ularning rivojlanishiga imkoniyat berish kerak. Biz ularni hamma joyda, jumladan, yoshlar jamoalarida ham qidiramiz.
Bellingem 19 yoshida Angliya terma jamoasi safida jahon chempionatida o‘ynaganmi? Menimcha, Italiyada u kabi to‘rt-beshta iste’dod bor. Lekin ularga o‘yin uchun vaqt berish kerak. Bizda sifatli yosh futbolchilar bor, lekin ularda tajriba yetishmaydi. Angliya, Niderlandiya yoki Germaniyada iqtidorli futbolchi bo‘lsa, o‘yinga qo‘yib yuborishadi. Bizda shunday saviyadagi to‘rt-besh nafar futbolchi bor, lekin ular o‘ynashlari kerak", - dedi Manchini Football Italia bilan suhbatda.
