Италия терма жамоаси бош мураббийи Роберто Манчини италиялик ёш футболчиларни тарбиялаш муаммолари ҳақида гапирар экан, мамлакатда савия борасида Англия терма жамоаси футболчиси Жуд Беллингемга тенг келадиган 4-5 нафар футболчи борлигини айтди.
"Муаммо истеъдодлар бор ёки йўқлигида эмас. Муаммо шундаки, уларнинг ривожланишига имконият бериш керак. Биз уларни ҳамма жойда, жумладан, ёшлар жамоаларида ҳам қидирамиз.
Беллингем 19 ёшида Англия терма жамоаси сафида жаҳон чемпионатида ўйнаганми? Менимча, Италияда у каби тўрт-бешта истеъдод бор. Лекин уларга ўйин учун вақт бериш керак. Бизда сифатли ёш футболчилар бор, лекин уларда тажриба етишмайди. Англия, Нидерландия ёки Германияда иқтидорли футболчи бўлса, ўйинга қўйиб юборишади. Бизда шундай савиядаги тўрт-беш нафар футболчи бор, лекин улар ўйнашлари керак", - деди Манчини Football Italia билан суҳбатда.
