«Yuventus» bosh murabbiyi Massimiliano Allegri Turin klubiga nisbatan qo‘llanilgan sanksiyalarga izoh berdi.
«Ertaga muhim o‘yin bo‘ladi, kechagi voqeadan keyin alohida e’tibor talab etadi. Biz yanada ko‘proq birlashishimiz, ishlashda davom etishimiz kerak.
Jazo tufayli hech narsa o‘zgarmaydi, baribir ochko olishimiz kerak. Biz Yevropa ligasi va Italiya kubogida ham o‘ynashda davom etamiz. Qo‘limizdan kelgan hamma narsani qilishimiz kerak. «Yuventus» hech qachon yengil o‘ynamaydi.
Kechagi qarorga qadar bizda 37 ochko bor edi, Chempionlar ligasi yo‘llanmasi, balki chempionlik uchun kurashish uchun barcha imkoniyatlarimiz bor edi.
Shunday ishlashimiz kerakki, o‘tgan ishlardan afsuslanmaslik zarur. Endi bir ochko ham yo‘qotishga haqqimiz yo‘q. Men «Yuventus» murabbiyiman, agar meni ishdan bo‘shatishmasa, bu yerda qolaman. Qiyin paytlarda muvaffaqiyatga erishish uchun mas’uliyatni o‘z zimmamga olishim kerak», - deya Allegrining so‘zlarini keltiradi Tuttomercatoweb.
