«Ювентус» бош мураббийи Массимилиано Аллегри Турин клубига нисбатан қўлланилган санкцияларга изоҳ берди.
«Эртага муҳим ўйин бўлади, кечаги воқеадан кейин алоҳида эътибор талаб этади. Биз янада кўпроқ бирлашишимиз, ишлашда давом этишимиз керак.
Жазо туфайли ҳеч нарса ўзгармайди, барибир очко олишимиз керак. Биз Европа лигаси ва Италия кубогида ҳам ўйнашда давом этамиз. Қўлимиздан келган ҳамма нарсани қилишимиз керак. «Ювентус» ҳеч қачон енгил ўйнамайди.
Кечаги қарорга қадар бизда 37 очко бор эди, Чемпионлар лигаси йўлланмаси, балки чемпионлик учун курашиш учун барча имкониятларимиз бор эди.
Шундай ишлашимиз керакки, ўтган ишлардан афсусланмаслик зарур. Энди бир очко ҳам йўқотишга ҳаққимиз йўқ. Мен «Ювентус» мураббийиман, агар мени ишдан бўшатишмаса, бу ерда қоламан. Қийин пайтларда муваффақиятга эришиш учун масъулиятни ўз зиммамга олишим керак», - дея Аллегрининг сўзларини келтиради Tuttomercatoweb.
