Myunxenning “Bavariya” klubi sport direktori lavozimida ishlab kelayotgan futbol funksioneri Xasan Salixamidjich hujumchi Erik Chupo-Motingning kelajagi haqida o‘z fikrlari bilan o‘rtoqlashdi.
“Biz Erikning agenti bilan ijobiy muloqotdamiz. Biz uni saqlab qolmoqchimiz. U ham "Bavariya"da qolishni istamoqda. Chupo-Moting hozir ajoyib formada, bizga uning o‘ynashi juda yoqadi. Keling, yaqin kelajakda barcha tafsilotlarni hal qilishga harakat qilaylik", - deya funksionerdan iqtibos keltiradi Bayern&Germany.
33 yoshli hujumchi joriy mavsumda 17 ta o‘yinda maydonga tushib, 12 ta gol urdi. Uning myunxenliklar bilan shartnomasi shu yilning o‘rtalariga qadar tuzilgan.
