Мюнхеннинг “Бавария” клуби спорт директори лавозимида ишлаб келаётган футбол функционери Хасан Салихамиджич ҳужумчи Эрик Чупо-Мотингнинг келажаги ҳақида ўз фикрлари билан ўртоқлашди.
“Биз Эрикнинг агенти билан ижобий мулоқотдамиз. Биз уни сақлаб қолмоқчимиз. У ҳам "Бавария"да қолишни истамоқда. Чупо-Мотинг ҳозир ажойиб формада, бизга унинг ўйнаши жуда ёқади. Келинг, яқин келажакда барча тафсилотларни ҳал қилишга ҳаракат қилайлик", - дея функционердан иқтибос келтиради Bayern&Germany.
33 ёшли ҳужумчи жорий мавсумда 17 та ўйинда майдонга тушиб, 12 та гол урди. Унинг мюнхенликлар билан шартномаси шу йилнинг ўрталарига қадар тузилган.
