"Chelsi" "Real Madrid" yarim himoyachisi Eduardo Kamavingani o‘z safiga qo‘shib olmoqchi, deya xabar beradi 90min.

Manbaga ko‘ra, "Chelsi" Kamavingani kelasi yozda Londonni tark etishi mumkin bo‘lgan NGolo Kante va Jorjinyoning o‘rnida ko‘rmoqda. Shu bilan birga, Kamavingani qo‘lga kiritish oson bo‘lmaydi, chunki "Real futbolchini qo‘yib yubormoqchi emas.

Shuningdek, "Arsenal" fransiyalik yarim himoyachini ijaraga olmoqchi ekani ham xabar qilingandi.

Oldinroq Madrid klubi bosh murabbiyi Karlo Anchelotti 20 yoshli fransiyalik futbolchini sotilmasligini aytgandi.

Kamavinga 2021 yildan beri "Real"da o‘ynab kelmoqda. Uning Madridliklar bilan amaldagi shartnomasi 2027 yilgacha mo‘ljallangan. Joriy mavsumda u ispan klubi safida 27 ta o‘yinda maydonga tushib, 1 ta golga assistentlik qilgan.