"Челси" "Реал Мадрид" ярим ҳимоячиси Эдуардо Камавингани ўз сафига қўшиб олмоқчи, дея хабар беради 90min.

Манбага кўра, "Челси" Камавингани келаси ёзда Лондонни тарк этиши мумкин бўлган НГоло Канте ва Жоржиньонинг ўрнида кўрмоқда. Шу билан бирга, Камавингани қўлга киритиш осон бўлмайди, чунки "Реал футболчини қўйиб юбормоқчи эмас.

Шунингдек, "Арсенал" франциялик ярим ҳимоячини ижарага олмоқчи экани ҳам хабар қилинганди.

Олдинроқ Мадрид клуби бош мураббийи Карло Анчелотти 20 ёшли франциялик футболчини сотилмаслигини айтганди.

Камавинга 2021 йилдан бери "Реал"да ўйнаб келмоқда. Унинг Мадридликлар билан амалдаги шартномаси 2027 йилгача мўлжалланган. Жорий мавсумда у испан клуби сафида 27 та ўйинда майдонга тушиб, 1 та голга ассистентлик қилган.