"Milan" klubi yarim himoyachi Nikolo Dzanyolo bo‘yicha "Roma"ga rasmiy taklif bilan chiqdi, deb xabar beradi Sky Italia.
Milan klubi 23 yoshli futbolchini sotib olish opsiyasi bilan mavsum oxirigacha ijaraga olishga tayyor. Jamoa ijara uchun 2 million, to‘liq transfer uchun 20 million to‘lashga tayyor.
Avvalroq “Tottenxem” ijara uchun 5 million, transfer uchun esa xuddi shunday 20 million taklif qilgandi. "Roma" 30 million yevro talab qilmoqda.
2022/23 yilgi mavsumda Dzanyolo “Roma” safida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.