"Chelsi" "Everton"ning ikki futbolchisini sotib olish imkoniyatini ko‘rib chiqmoqda.

The Telegraph xabariga ko‘ra, londonliklar yozda shartnoma imzolashni maqsad qilgan yarim himoyachi Entoni Gordonni kuzatib borishda davom etmoqda. Ular uni qishda sotib olishga urinib ko‘rishlari va mavsum oxirigacha Mersisayd jamoasida qoldirishlari mumkin.

Unga yana bir da’vogar - "Nyukasl".

"Chelsi" o‘tgan yozda "Lill"dan 33,5 million funtga sotib olingan yarim himoyachi Amadu Onanaga ham qiziqish bildirmoqda. "Everton" hozir u bilan xayrlashishni istamayapti, londonliklar Gordon bilan bo‘lgani kabi, 21 yoshli futbolchini yozgacha o‘z safida qoldirishga tayyor.

Shu bilan birga, "Everton"ga "Chelsi" vingeri Xakim Ziyesh yoqayotgani xabar qilingan.