"Челси" "Эвертон"нинг икки футболчисини сотиб олиш имкониятини кўриб чиқмоқда.
The Telegraph хабарига кўра, лондонликлар ёзда шартнома имзолашни мақсад қилган ярим ҳимоячи Энтони Гордонни кузатиб боришда давом этмоқда. Улар уни қишда сотиб олишга уриниб кўришлари ва мавсум охиригача Мерсисайд жамоасида қолдиришлари мумкин.
Унга яна бир даъвогар - "Ньюкасл".
"Челси" ўтган ёзда "Лилль"дан 33,5 миллион фунтга сотиб олинган ярим ҳимоячи Амаду Онанага ҳам қизиқиш билдирмоқда. "Эвертон" ҳозир у билан хайрлашишни истамаяпти, лондонликлар Гордон билан бўлгани каби, 21 ёшли футболчини ёзгача ўз сафида қолдиришга тайёр.
Шу билан бирга, "Эвертон"га "Челси" вингери Хаким Зиеш ёқаётгани хабар қилинган.
