Ronaldinyo 15 yil oldin "Barselona"ni tark etgandi. Ammo o‘shandan beri u klub bilan aloqani uzmagan: u turli tadbirlarda qatnashai, “ko‘k-anorranglilar” elchisi bo‘lgan, kataloniyalik afsonalar jamoasida o‘ynaydi. Shu boisda, braziliyalik o‘g‘lini ham klubga olib kelgan bo‘lsa ajab emas.

17 yoshli Joao Mendes de Assis Moreira bir necha haftadan beri Kataloniyada bo‘lib turibdi va u "Barselona"ning 19 yoshgacha bo‘lganlar jamoasi uchun sinovdan o‘tmoqda.

Ronaldinyoning o‘g‘li uchun uning o‘yin fazilatlarini baholash uchun hatto o‘rtoqlik uchrashuvi ham o‘tkazishdi. Shundan keyingina murabbiylar yosh futbolchi bilan shartnoma imzolashga qaror qilishdi. Shtab-kvartira hali Mendes kataloniyaliklar darajasiga mos kelishiga ishonchi komil emas. Ammo Ronaldinyo bilan to‘g‘ridan-to‘g‘ri muzokara olib borgan klub prezidenti Joan Laporta murabbiylardan uni yashilab sinovdan o‘tkazishni so‘ragan.

Joao Mendesning bo‘yi unchalik ham baland emas(178 sm). U qanot va hujumkor yarim himoyachi sifatida ham o‘ynay oladi. Qayd etilishicha, uning maydondagi harakatlari otasiga juda o‘xshaydi.

Joao futboldagi ilk qadamlarini “Flamengo” akademiyasida qo‘ygan. Keyinchalik u “PSJ”ning Braziliya akademiyasiga qo‘shildi. Parij klubi skautlari unda iste’dodni ko‘rdilar, lekin uni Fransiyaga chaqirishmadi.

Keyin, 13 yoshida, bolakay “Kruzeyro”da ko‘rikdan o‘tkazildi. Bu jarayonda u otasi tufayli hech qanday imtiyozlarga ega bo‘lmaslik uchun o‘z shaxsini yashirgan. Joao bilan shartnoma imzolangandan keyingina uning otasi Ronaldino ekanligini oshkor qildi. Bir yil o‘tgach, u “Kruzeyro” bilan 2025 yilgacha shartnoma imzoladi va haqiqatan ham tarkibga kirishni xohladi.

Hujumchi akademiyada ajoyib start oldi: u U-14 jamoasi bilan Xitoyda bo‘lib o‘tgan yoshlar turniriga bordi va u yerda ikki bor gol urdi, chempion bo‘ldi. Shundan so‘ng Joao Nike bilan homiylik shartnomasini imzoladi. “Kruzeyro”da uni Yevropaning ko‘plab klublaridan skautlar kuzatib borishdi. 15 yoshida u yana “PSJ”dan voz kechdi va "Barselona" tomonidan Leo Messining o‘rnini bosadigan nomzod sifatida ro‘yxatga kiritildi!

U o‘tgan qishda "Kruzeyro"ni tark etdi. Deyarli bir yil davomida braziliyalik o‘ziga jamoa topa olmadi va kutilmaganda “Barselona”ga kelib qoldi. Agar u Kataloniyadagi sinov jarayonidan muvaffaqiyatli o‘tsa, o‘nlab yillar davomida Yevropa gigantlarini o‘yinchilar bilan ta’minlab kelayotgan dunyodagi eng yaxshi akademiyalardan biriga jalb qilinadi. Shuning uchun biz futbol muxlislari Joao o‘z salohiyatini ro‘yobga chiqarishini va "Barsa"ning asosiy jamoasiga yetishishini juda xohlaymiz. Zero, afsonaviy futbolchining farzandi o‘yinini ko‘rish hech kimni befarq qoldirmasa kerak.