The Guardian xabariga ko‘ra, "Sautgempton"ning sobiq bosh murabbiyi Ralf Xazenxyuttl "Everton" bosh murabbiyi lavozimini egallashga da’vogar sifatida e’tirof etilgan.
Marselo Byelsa, Shon Daych va Sem Ellardays ham bu o‘ringa da’vogarlar safida.
7 noyabr kuni “Sautgempton” Xazenxyuttlni bosh murabbiy lavozimidan bo‘shatdi. 55 yoshli avstriyalik mutaxassis 2018 yilning dekabr oyidan beri ishlab kelayotgan lavozimini tark etdi.
"Everton" Premyer-liganing quyi ligaga tushib ketish zonasida, 19-pog‘onasida joylashgan. Ligada jon saqlab qolish zonasidagi 17-o‘ringacha - 2 ochko farq.
23 yanvar, dushanba kuni jamoa 44 yoshli Frenk Lempardni iste’foga chiqardi.
