The Guardian хабарига кўра, "Саутгемптон"нинг собиқ бош мураббийи Ральф Хазенхюттль "Эвертон" бош мураббийи лавозимини эгаллашга даъвогар сифатида эътироф этилган.
Марсело Бьелса, Шон Дайч ва Сем Эллардайс ҳам бу ўринга даъвогарлар сафида.
7 ноябрь куни “Саутгемптон” Хазенхюттлни бош мураббий лавозимидан бўшатди. 55 ёшли австриялик мутахассис 2018 йилнинг декабрь ойидан бери ишлаб келаётган лавозимини тарк этди.
"Эвертон" Премьер-лиганинг қуйи лигага тушиб кетиш зонасида, 19-поғонасида жойлашган. Лигада жон сақлаб қолиш зонасидаги 17-ўрингача - 2 очко фарқ.
23 январь, душанба куни жамоа 44 ёшли Фрэнк Лэмпардни истеъфога чиқарди.
