"Milan" bosh murabbiyi Stefano Pioli "Lasio"dan uchralgan mag‘lubiyat haqida fikr bildirdi. “Rossoneri”lar A Seriyaning 19-turidan o‘rin olgan uchrashuvda 0:4 hisobida imkoniyatni boy berdi.
“Ko‘p jihatlar ishlamadi: aqliy, taktik... Men shu yerdaman va siz bilan gaplashyapman, chunki buni qilishim kerak. Aks holda, biz jim bo‘lardik va, albatta, yaxshiroq ishlagan bo‘lardik.
Bu Pioli davrining eng yomon lahzasimi? Oxirgi ikki yarim hafta ichida biz uyga hech qanday natija yoki yaxshi o‘yin olib kelmadik va barchamiz yaxshiroq o‘ynashimiz kerakligi aniq.
Meni eng ko‘p nima tashvishga solmoqda? Buni aytish oson emas. Bizda ishlar yaxshi ketmayapti. Bugun biz xavfli vaziyatlar yaratdik. Muammo shundaki, biz to‘pga ega bo‘lganimizda o‘yinchilar o‘rtasida aniqroq muloqotga muhtojmiz.
Men yaxshilashning faqat bitta yo‘lini bilaman: ishlash. Bular bir necha o‘yin davomida takrorlangan va biz qattiq ishlashimiz kerak bo‘lgan holatlar, chunki bu xatolarni davom ettirish o‘yinni taktik va ruhiy jihatdan murakkablashtirish demakdir. Bularning barchasi salbiy natijalarga olib keladi", - deya Pioli so‘zlarini keltiradi Milan News.
