"Милан" бош мураббийи Стефано Пиоли "Лацио"дан учралган мағлубият ҳақида фикр билдирди. “Россонери”лар А Сериянинг 19-туридан ўрин олган учрашувда 0:4 ҳисобида имкониятни бой берди.

“Кўп жиҳатлар ишламади: ақлий, тактик... Мен шу ердаман ва сиз билан гаплашяпман, чунки буни қилишим керак. Акс ҳолда, биз жим бўлардик ва, албатта, яхшироқ ишлаган бўлардик.

Бу Пиоли даврининг энг ёмон лаҳзасими? Охирги икки ярим ҳафта ичида биз уйга ҳеч қандай натижа ёки яхши ўйин олиб келмадик ва барчамиз яхшироқ ўйнашимиз кераклиги аниқ.

Мени энг кўп нима ташвишга солмоқда? Буни айтиш осон эмас. Бизда ишлар яхши кетмаяпти. Бугун биз хавфли вазиятлар яратдик. Муаммо шундаки, биз тўпга эга бўлганимизда ўйинчилар ўртасида аниқроқ мулоқотга муҳтожмиз.

Мен яхшилашнинг фақат битта йўлини биламан: ишлаш. Булар бир неча ўйин давомида такрорланган ва биз қаттиқ ишлашимиз керак бўлган ҳолатлар, чунки бу хатоларни давом эттириш ўйинни тактик ва руҳий жиҳатдан мураккаблаштириш демакдир. Буларнинг барчаси салбий натижаларга олиб келади", - дея Пиоли сўзларини келтиради Milan News.