"Yuventus" futbolchilari klub tomonidan qilingan moliyaviy firibgarlik uchun diskvalifikasiya qilinishi mumkin.

Eslatib o‘tamiz, 20 yanvar kuni Turin klubidan moliyaviy firibgarlik ishi tufayli 15 ochko olib tashlangan edi. "Yuventus" futbolchilarning transfer narxini oshirib ko‘rsatganlikda, shuningdek, xodimlarning narxini kamaytirganlikda va futbolchilarning maoshining haqiqiy hajmini yashirganlikda ayblangan.

Get Italian Football News nashrining xabar berishicha, Italiya futbol federasiyasi (FIGC) ehtimoliy "maoshga oid manevrlar"ni tekshirmoqda. Federasiya e’tiborini "Yuventus"ning 16 nafar amaldagi va sobiq futbolchisi imzolagan maoshlarni bir necha oyga kechiktirish bo‘yicha kelishuvlarga qaratildi.

Sport adolati kodeksiga ko‘ra, “federasiya qoidalarini buzgan holda klubdan tovon yoki mukofot olgan” futbolchilar 1 oyga diskvalifikasiya qilinishi mumkin.

Qayd etilgan shartnomalarni imzolagan bir qancha futbolchilarning nomi ma’lum. Bular Adriyen Rabyo, Voychex Shchensni, Leonardo Bonuchchi, Xuan Kuadrado, Ueston Makkenni, Paulo Dibala ("Romu"), Artur ("Liverpul") va Federiko Bernardeski ("Toronto").

Diskvalifikasiyaga uchramaydigan futbolchilardan biri bu Krishtianu Ronaldu. "Yuventus" bilan maxfiy kelishuv bo‘yicha 19,9 million yevrolik to‘lovlar bo‘yicha kelishmovchiliklarga qaramay, portugaliyalik bu to‘lovlar bo‘yicha hujjat imzolamagan.