Tailandda bo‘lib o‘tgan boks bo‘yicha U22 Osiyo chempionatida O‘zbekiston erkaklar terma jamoasi katta ustunlik bilan umumjamoa hisobida birinchi o‘rinni qo‘lga kiritdi.

Delegasiyamiz turnirda jami 11ta medalni qo‘lga kiritishgan bo‘lsa, shularning 9 tasi oltin bo‘ldi. Final bahsida 10 nafar bokschimiz ringga ko‘tarildi. Ularning to‘qqiz nafari g‘alaba qozonib, oltin medalga sazovor bo‘ldi. Bitta bokschimiz finalda imkoniyatni boy berdi va kumush medal bilan yurtimizga qaytadi. Yana bitta nafar bokschimiz bronza medalini qo‘lga kiritgandi.

Terma jamoamiz safida quyidagi bokschilarimiz sovrindor bo‘lishdi:

Oltin:
-60 kg: Dilshod Abdumurodov
-63,5 kg: Shahboz Yunusaliyev
-67 kg: Bekzod Hamidov
-71 kg: Nurislom Ismoilov
-75 kg: A’loxon Abdullayev
-80 kg: Jasurbek Yo‘ldoshev
-86 kg: Shohjahon Abdullayev
-92 kg: Nusrat Tohirov
+92 kg: Jahongir Zokirov

Kumush:
-48 kg: Shodiyor Meliqo‘ziyev

Bronza:
-51 kg: Muhammadqodir Mamirjonov

Ma’lumot uchun, yigitlar terma jamoamiz musobaqaga 13 nafar bokschi bilan yo‘l olgandi.

Eslatib o‘tamiz, kecha musobaqa doirasida qizlarimiz 5 ta oltin, 3 ta kumush va 2 ta bronza medali bilan umumjamoa hisobida birinchi bo‘lishgandi.

Demak, O‘zbekiston terma jamoasi U22 Osiyo chempionatini qizlar o‘rtasida ham, yigitlar o‘rtasida ham, umumjamoa hisobida ham birinchi o‘rinda yakunladi!

Terma jamoamiz a’zolari 28 yanvar kuni soat 16:00da Toshkentga qaytib kelishadi.