Ijtimoiy tarmoqlarda portugaliyalik mashhur futbolchi, ayni paytda Saudiya Arabistonining “An-Nasr” klubida o‘ynayotgan Krishtianu Ronaldu Saudiya Arabistoni Superkubogi yarim finali doirasida “Al-Ittihod”ga qarshi bahsdan so‘ng, maydonni tark etgani aks etgan video paydo bo‘ldi.

Videoda nafaqat muxlislarning tribunadan Lionel Messi nomini tilga olishlarini eshitish, balki Krishtianu Ronalduning oqsoqlanayotganini ham ko‘rish mumkin. Ehtimol, portugaliyalik hujumchi jarohat olgan bo‘lishi ham mumkin.

Ma’lumot uchun, Ronaldu o‘tgan yilning oxirida “An-Nasr” bilan shartnoma imzolagandi. 37 yoshli hujumchining shartnomasi 2025 yil yarmiga qadar tuzilgan.
“An-Nasr” tarkibida Krishtianu Ronaldu 2 ta o‘yin o‘tkazishga ulgurdi, ammo hozircha gol ura olmadi.