"Roma" bosh murabbiyi Joze Mourinyo qanot hujumchisi Nikolo Dzanyoloning jamoadagi kelajagi haqidagi savolga javob berdi.
“Menimcha, u jamoada qoladi. Vaziyat o‘zgarishi dargumon. To‘g‘ri, men jamoada qolishni xohlaydigan futbolchilarni o‘ynatishini istayman. Nikolo esa bir necha oydan beri transferni so‘ramoqda", - deya Mourinyoning so‘zlaridan iqtibos keltiradi La Gazette Dello Sport.
Avvalroq, futbolchi "Roma" talab qilgan shartlarni bajarishga tayyor bo‘lgan Angliyaning "Bornmut"iga o‘tishdan bosh tortgani ma’lum bo‘lgandi. Rimliklar bu transfer uchun 35 million yevro talab qilishgan.
Joriy mavsumda Dzanyolo barcha turnirlarda 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
