"Рома" бош мураббийи Жозе Моуриньо қанот ҳужумчиси Николо Дзаньолонинг жамоадаги келажаги ҳақидаги саволга жавоб берди.
“Менимча, у жамоада қолади. Вазият ўзгариши даргумон. Тўғри, мен жамоада қолишни хоҳлайдиган футболчиларни ўйнатишини истайман. Николо эса бир неча ойдан бери трансферни сўрамоқда", - дея Моуриньонинг сўзларидан иқтибос келтиради La Gazette Dello Sport.
Аввалроқ, футболчи "Рома" талаб қилган шартларни бажаришга тайёр бўлган Англиянинг "Борнмут"ига ўтишдан бош тортгани маълум бўлганди. Римликлар бу трансфер учун 35 миллион евро талаб қилишган.
Жорий мавсумда Дзаньоло барча турнирларда 17 та ўйинда майдонга тушиб, 2 та гол урди ва 3 та голли узатмани амалга оширди.
