Niderlandiya chempionati har doim o‘zining ajoyib ko‘rsatkichlari bilan mashhur bo‘lgan, ammo ba’zi o‘yinlar xokkey ssenariylarini eslatadi.

Erediviziyaning 19-turida "Alkmaar" va "Utrext" jamoalari o‘zaro bahs olib bordi va uchrashuv 5:5 hisobida yakunlandi.

Tan olish kerak, bu futbolda juda kamdan-kam uchraydigan holat, hatto Niderlandiya chempionatida ham. Oxirgi marta bunday voqea 1991 yilda sodir bo‘lgan, o‘shanda jamoalar besh yoki undan ko‘p gol urgan.

To‘g‘ri, o‘shanda "Vaalveyk" va "Tvente" jamoalari o‘rtasidagi uchrashuv 6:6 yakuniga yetgan edi.