«Inter» hujumchisi Lautaro Martines A Seriyaning 20-turida «Kremoneze»ga qarshi o‘yindagi g‘alaba (2:1) haqida fikr bildirdi. Ushbu uchrashuvda futbolchi dubl qayd etdi.
«Bundan avval mag‘lub bo‘lgandik, shuning uchun bugun bizga uch ochko juda kerak edi. Biz ochkolarni oldik, endi esa haqiqiy jangga – «Milan» bilan o‘yinga tayyorlanyapmiz.
Lekin birinchi navbatda Italiya Kubogida hali ham «Atalanta» bo‘ladi, bu uchrashuv tempimizni saqlab qolishimizga yordam beradi», - deya futbolchining so‘zlarini keltiradi fcinter1908.it.
«Inter» 40 ochko jamg‘arib, hozircha turnir jadvalida ikkinchi o‘ringa ko‘tarilib oldi. «Kremoneze» so‘nggi o‘rinda qolmoqda: jamoa mavsumda hali birorta ham g‘alaba qozongani yo‘q (8 ochko).
