«Интер» ҳужумчиси Лаутаро Мартинес А Сериянинг 20-турида «Кремонезе»га қарши ўйиндаги ғалаба (2:1) ҳақида фикр билдирди. Ушбу учрашувда футболчи дубл қайд этди.
«Бундан аввал мағлуб бўлгандик, шунинг учун бугун бизга уч очко жуда керак эди. Биз очколарни олдик, энди эса ҳақиқий жангга – «Милан» билан ўйинга тайёрланяпмиз.
Лекин биринчи навбатда Италия Кубогида ҳали ҳам «Аталанта» бўлади, бу учрашув темпимизни сақлаб қолишимизга ёрдам беради», - дея футболчининг сўзларини келтиради fcinter1908.it.
«Интер» 40 очко жамғариб, ҳозирча турнир жадвалида иккинчи ўринга кўтарилиб олди. «Кремонезе» сўнгги ўринда қолмоқда: жамоа мавсумда ҳали бирорта ҳам ғалаба қозонгани йўқ (8 очко).
