Portugaliyalik hujumchi Krishtianu Ronaldu "Manchester Yunayted" haqida shov-shuvli intervyu bergan jurnalist Pirs Morgan taniqli futbolchining faoliyati haqida gapirdi.
"U "Manchester Yunayted"dan ozod bo‘lishni xohladi, u yerda uni na murabbiy, na klub rahbariyati hurmat qilmasligini to‘g‘ri his qildi. Ideal holda, menimcha, u Chempionlar ligasida bir yoki ikki yil boshqa top-klubda o‘ynashni afzal ko‘rgan bo‘lardi, ammo "An-Nasr" unga ajoyib taklif bilan chiqdi", - dedi Morgan Tatler bilan suhbatda.
Eslatib o‘tamiz, portugaliyalik o‘tgan hafta oxirida Saudiya Arabistoni chempionati doirasidagi "Al-Ittifoq" bilan uchrashuvda "An-Nasr" safida debyut qilgan edi.
