Португалиялик ҳужумчи Криштиану Роналду "Манчестер Юнайтед" ҳақида шов-шувли интервью берган журналист Пирс Морган таниқли футболчининг фаолияти ҳақида гапирди.
"У "Манчестер Юнайтед"дан озод бўлишни хоҳлади, у ерда уни на мураббий, на клуб раҳбарияти ҳурмат қилмаслигини тўғри ҳис қилди. Идеал ҳолда, менимча, у Чемпионлар лигасида бир ёки икки йил бошқа топ-клубда ўйнашни афзал кўрган бўларди, аммо "Ан-Наср" унга ажойиб таклиф билан чиқди", - деди Морган Tatler билан суҳбатда.
Эслатиб ўтамиз, португалиялик ўтган ҳафта охирида Саудия Арабистони чемпионати доирасидаги "Ал-Иттифоқ" билан учрашувда "Ан-Наср" сафида дебют қилган эди.
