“Barselona” hujumchisi Usmon Dembele “Manchester Yunayted”ga qarshi Yevropa ligasi 1/16 finalining ikkala o‘yinini ham o‘tkazib yuborishi mumkin.
Fransiyalik futbolchi La Liganing 19-turi doirasidagi "Jirona"ga qarshi uchrashuvda jarohat oldi. Futbolchi zudlik bilan tibbiy ko‘rikdan o‘tdi, kechqurun esa son mushaklari jarohati haqidagi ma’lumot tasdiqlandi.
Marca xabariga ko‘ra, Dembele kamida uch hafta maydonga tusha olmaydi. Umuman olganda, u beshga yaqin uchrashuvni o‘tkazib yuboradi.
Kataloniyaliklarning “Manchester Yunayted”ga qarshi ilk o‘yini 16 fevral kuni, javob o‘yini 23 fevral kuni bo‘lib o‘tadi.
