“Барселона” ҳужумчиси Усмон Дембеле “Манчестер Юнайтед”га қарши Европа лигаси 1/16 финалининг иккала ўйинини ҳам ўтказиб юбориши мумкин.

Франциялик футболчи Ла Лиганинг 19-тури доирасидаги "Жирона"га қарши учрашувда жароҳат олди. Футболчи зудлик билан тиббий кўрикдан ўтди, кечқурун эса сон мушаклари жароҳати ҳақидаги маълумот тасдиқланди.

Марcа хабарига кўра, Дембеле камида уч ҳафта майдонга туша олмайди. Умуман олганда, у бешга яқин учрашувни ўтказиб юборади.

Каталонияликларнинг “Манчестер Юнайтед”га қарши илк ўйини 16 февраль куни, жавоб ўйини 23 феврал куни бўлиб ўтади.