"Zenit" hujumchisi Malkom "Zenit" rahbarlariga "PSJ"ga o‘tishni istayotganini aytdi, deb xabar beradi Telefoot.

Manbaga ko‘ra, braziliyalik futbolchi "PSJ"ga o‘tmoqchi va bu haqda "Zenit" rahbariyatini xabardor qilgan. Rossiya klubi vingerni qo‘yib yuborishi mumkin. Parijliklarning sport masalalari bo‘yicha maslahatchisi Luish Kampush va barcha manfaatdor tomonlar o‘rtasida uchrashuv bo‘lib o‘tdi.

Ayni damda "PSJ" "Zenit"ga rasmiy taklif yubormagan. Xabar qilinishicha, fransuz klubida moliyaviy feyr-pley cheklovlari tufayli shartnomani yakunlash uchun ko‘p imkoniyatlar yo‘q, shuning uchun klub futbolchini ijaraga olmoqchi.

O‘tgan yozda Malkom "Zenit" bilan 2027 yilning iyun oyi oxirigacha mo‘ljallangan yangi shartnoma imzolagan edi. Transfermarkt portali 25 yoshli futbolchining narxini 24 million yevroga baholamoqda.

Joriy mavsumda braziliyalik futbolchi Sankt-Peterburg klubi safida 23 ta o‘yin o‘tkazib, 15 ta gol va 7 ta golli uzatmani amalga oshirgan.