"Napoli"ning Italiya chempionatidagi ikkinchi o‘rin bilan farqi 13 ochkoga yetdi.
Murabbiy Luchano Spaletti shogirdlari A Seriyaning 20-turida o‘z maydonida “Roma”ni mag‘lub etdi (2:1).
Neapolliklar turnir jadvalida peshqadamlik qilishda davom etishmoqda va hozirda “Inter”dan 13 ochkoga oldinda.
G‘alaba uchun uch ochko beriladigan davrda (1994/95 yilgi mavsumdan beri) birinchi marta peshqadamning ikkinchi o‘rindagi ustunligi 20 turdan keyin 13 ochkoni tashkil qilmoqda. 2006/07 yilgi mavsumda "Inter" va "Romo" o‘rtasida 11 ochko bor edi.
"Napoli" Italiya chempionatidagi so‘nggi 16 o‘yinning 15 tasida g‘alaba qozongan, bu davrda faqat "Inter"ga yutqazgan (0:1).
Ushbu tur oldidan “Milan”dan farq 12 ochkoni tashkil qilgan, “rossonerilar” o‘z maydonida “Sassuolo”ga yirik hisobda mag‘lub bo‘ldi (2:5).
"Napoli" A Seriyadagi so‘nggi 16 uchrashuvning 15 tasida g‘alaba qozongan. Jamoa navbatdagi bahsini 5 fevral kuni "Spesiya"ga qarshi mehmonda o‘tkazadi.
