"Наполи"нинг Италия чемпионатидаги иккинчи ўрин билан фарқи 13 очкога етди.

Мураббий Лучано Спалетти шогирдлари А Сериянинг 20-турида ўз майдонида “Рома”ни мағлуб этди (2:1).

Неаполликлар турнир жадвалида пешқадамлик қилишда давом этишмоқда ва ҳозирда “Интер”дан 13 очкога олдинда.

Ғалаба учун уч очко бериладиган даврда (1994/95 йилги мавсумдан бери) биринчи марта пешқадамнинг иккинчи ўриндаги устунлиги 20 турдан кейин 13 очкони ташкил қилмоқда. 2006/07 йилги мавсумда "Интер" ва "Ромо" ўртасида 11 очко бор эди.

"Наполи" Италия чемпионатидаги сўнгги 16 ўйиннинг 15 тасида ғалаба қозонган, бу даврда фақат "Интер"га ютқазган (0:1).

Ушбу тур олдидан “Милан”дан фарқ 12 очкони ташкил қилган, “россонерилар” ўз майдонида “Сассуоло”га йирик ҳисобда мағлуб бўлди (2:5).

"Наполи" А Сериядаги сўнгги 16 учрашувнинг 15 тасида ғалаба қозонган. Жамоа навбатдаги баҳсини 5 февраль куни "Специя"га қарши меҳмонда ўтказади.