"Atletiko Madrid" himoyachisi Felipe faoliyatini Angliyada davom ettirishi mumkin, deya xabar beradi jurnalist Fabrisio Romano.
Manbaga ko‘ra, 33 yoshli braziliyalik futbolchiga "Nottingem Forest" da’vogarlik qilmoqda. Ingliz klubi futbolchiga 2024 yilning yoziga qadar shartnoma taklif qilmoqda.
Joriy mavsumda Felipe barcha musobaqalarda 4ta o‘yin o‘tkazdi va samarali harakatlari bilan ajralib turmadi. Transfermarkt portali futbolchining narxini 3 million yevroga baholamoqda.