Uli Xyoness Bundesliga qayta tiklanganidan so‘ng "Bavariya"ning o‘yinidan norozi.
"Jamoaning so‘nggi uchta o‘yinidagi natijalar meni xafa qildi. Biz erishmoqchi bo‘lgan maqsadlarni inobatga olgan holda, men sezilarli yaxshilanishni kutmoqdaman", - dedi "Bavariya"ning faxriy prezidenti.
2023 yilning dastlabki uchta o‘yinida "Bavariya" uch marta durang o‘ynadi - "Leypsig", "Kyoln" va "Ayntraxt". Barcha uchrashuvlar 1:1 hisobida yakunlangan. Klub hamon Bundesliga turnir jadvalida peshqadamlik qilmoqda, ammo "Union" "Bavariya"dan atigi bir ochko ortda qolmoqda.
"Bavariya" Germaniya kubogi doirasidagi navbatdagi o‘yinini 1 fevral kuni "Mayns"ga qarshi o‘tkazadi.
