"Manchester Yunayted" Kristian Eriksenning jarohati tufayli yarim himoya chizig‘ini kuchaytirishga harakat qiladi.
Oldinroq daniyalik to‘pig‘idan olgan jarohati tufayli 3 oyga yaqin maydonga tusha olmasligi malum bo‘lgandi.
The Telegraph xabariga ko‘ra, "Manchester Yunayted" "Atletiko" yarim himoyachisi Yannik Ferreyra Karraskoni mavsum oxirigacha ijaraga olmoqchi.
Belgiyalikning vakillari "Manchester Yunayted" bilan aloqada bo‘lishdi, ammo ayni damda futbolchining yozda "Barselona"ga o‘tishi ehtimoli kattaroq ko‘rinadi.
Eriksen jarohat olganiga qaramay, murabbiy Erik ten Xag Karraskoni "Manchester Yunayted"da ko‘rishni istashiga ishonchi komil emas.
"Yunayted" Yevropaning bir nechta klublari bilan transfer oynasi yopilgunga qadar ularning ba’zi yarim himoyachilari ijaraga berilishi mumkinligini bilish uchun bog‘landi. Klub "Atletiko Madrid", "Barselona", "Real Madrid" va "PSJ" bilan gaplashgan, ammo hozircha muvaffaqiyat qozonmagan.
Ma’lumot uchun, Memfis Depay "Atletiko Madrid"ga o‘tganidan keyin "Barsa"da Karrasko uchun ixtiyoriy sotib olish imkoniyati mavjud. Kataloniyaliklar yozda vingerni 20 million yevroga sotib olishlari mumkin. "Barsa" bu imkoniyatdan unumli foydalanishi kutilmoqda.
"Yunayted" faqat ijara shartnomasiga qiziqish bildirmoqda. Yannik bilan shartnoma imzolash imkoniyati klubda sovuqqonlik bilan qabul qilindi.
