"Манчестер Юнайтед" Кристиан Эриксеннинг жароҳати туфайли ярим ҳимоя чизиғини кучайтиришга ҳаракат қилади.
Олдинроқ даниялик тўпиғидан олган жароҳати туфайли 3 ойга яқин майдонга туша олмаслиги малум бўлганди.
The Telegraph хабарига кўра, "Манчестер Юнайтед" "Атлетико" ярим ҳимоячиси Янник Феррейра Карраскони мавсум охиригача ижарага олмоқчи.
Бельгияликнинг вакиллари "Манчестер Юнайтед" билан алоқада бўлишди, аммо айни дамда футболчининг ёзда "Барселона"га ўтиши эҳтимоли каттароқ кўринади.
Эриксен жароҳат олганига қарамай, мураббий Эрик тен Хаг Карраскони "Манчестер Юнайтед"да кўришни исташига ишончи комил эмас.
"Юнайтед" Европанинг бир нечта клублари билан трансфер ойнаси ёпилгунга қадар уларнинг баъзи ярим ҳимоячилари ижарага берилиши мумкинлигини билиш учун боғланди. Клуб "Атлетико Мадрид", "Барселона", "Реал Мадрид" ва "ПСЖ" билан гаплашган, аммо ҳозирча муваффақият қозонмаган.
Маълумот учун, Мемфис Депай "Атлетико Мадрид"га ўтганидан кейин "Барса"да Карраско учун ихтиёрий сотиб олиш имконияти мавжуд. Каталонияликлар ёзда вингерни 20 миллион еврога сотиб олишлари мумкин. "Барса" бу имкониятдан унумли фойдаланиши кутилмоқда.
"Юнайтед" фақат ижара шартномасига қизиқиш билдирмоқда. Янник билан шартнома имзолаш имконияти клубда совуққонлик билан қабул қилинди.
