Italiyaning "Spesiya" klubi tarixidagi eng yaxshi to‘purarlardan biri Franchesko Fiori Eldor Shomurodovning "Roma"dan "Spesiya"ga ijaraga o‘tgani haqida fikr bildirdi.

"Shomurodovni “Jenoa”dagi o‘yinlarini yaxshi eslayman. U Italiya futbolining kashfiyotlaridan biri edi. "Roma"da unga qiyinroq bo‘ldi, menimcha, o‘yin sxemasi ham ta’sir qildi. Bunday sxemada unga oson bo‘lmadi. Raqobat ham uning kam o‘ynaganiga sabab bo‘ldi, lekin Rimda u ba’zan o‘zini yaxshi ko‘rsatdi. Uning ijobiy fazilatlari haqida gapiradigan bo‘lsak, men birinchi navbatda tezlik va muvofiqlashtirishni alohida ta’kidlagan bo‘lardim. To‘psiz ham hayratlanarli darajada ishlaydi.

- U Spesiya"ga yordam beradimi?

- "Spesiya" Shomurodov o‘ynagan "Jenoa"ga o‘xshash futbol o‘ynaydi. Murabbiy o‘zgarganidan keyin bu juda sezilarli bo‘ldi. Bosh murabbiy uni jamoaning eng yaxshi to‘purari Nzolaga sherik sifatida ko‘radi va menimcha, ular birgalikda ishlashlari mumkin. Shomurodov qisqa o‘yinda yaxshi, Nzola maydon kengligidan foydalanadi. Ularning ikkalasi ham tez va bir-birini to‘ldirishi mumkin, shuning uchun bu "Specsiya" uchun yaxshi transfer berdi" - dedi Fiori.