"Arsenal"ning yangi futbolchisi Jorjinyo "Chelsi"dan o‘tgani haqida fikr bildirdi.
"Kanonirlar" qishki transfer oynasining so‘nggi kunida 31 yoshli yarim himoyachining transferini yakunlashdi. "Chelsi" italiyalik futbolchini sotishdan taxminan 13,6 million yevro ishlab oldi.
"Bilaman, Mikel Arteta o‘tmishda imzo chekish uchun bir necha bor urinib ko‘rgan. Bu mening xohishimga ko‘ra emas, balki boshqa sabablarga ko‘ra amalga oshmay qolgandi. Shuni inobatga oladigan bo‘lsak, "Arsenal"ga o‘tishimga, albatta, murabbiyning hissasi katta.
To‘g‘risini aytsam, yangi jamoada o‘ynashni sabrsizlik bilan kutyapman. Men bu chaqiriqdan juda ruhlandim. Hammasi tez va kutilmaganda sodir bo‘ldi, men imkoniyatdan foydalanganimdan xursand bo‘ldim", - dedi Jorjinyo Sky Sports bilan suhbatda.
